Жалал-Абадда жөө жүргүнчүнү сүзүүгө жана зордуктоого аракет кылган айдоочу кармалды. Бул тууралуу облустук ички иштер башкармалыгынан билдирди.
23-февралда болжол менен саат 01:30 чамасында 35 жаштагы аялды белгисиз жарандар «үйүңө жеткиребиз» деп унаага салышкан. Унаадан түшкөн учурда айымды айдоочу зордуктоого аракет кылган. Ошондой эле унаадан түшкөндөн кийин аны эки жолу сүзүп, андан ары кетип калган.
Бул окуядан кийин аял денесинен жаракат алып ооруканага кайрылып, андан соң, айдоочуга тиешелүү чара көрүү үчүн арыз жазган. Шектүү катары «Субару» үлгүсүндөгү унаанын ээси кармалып, тергөө кызматына жеткирилди.
