УКМК кызматкерлери Талас облусунун Бакай-Ата районунун тургунун радикалдык көз караштан баш тартууга жана тыюу салынган “Йакын инкар” кыймылынан чыгууга көндүрүштү. Бул тууралуу аталган мекеменин басма сөз кызматы билдирди.
Маалыматка ылайык, Т.К.Ч. аттуу жаран 2014-жылы белгисиз эмиссарлар тарабынан “Йакын Инкар” диний экстремисттик уюмунун (ДЭУ) катарына кабыл алынып, тыюу салынган адабияттарды үгүттөө жана таратуу менен активдүү алектенген.
Аталган Т.К.Ч. тандап алган диний багытын жаңылыш экенин моюнга алып, Кыргызстандын жарандарын “Йакын Инкар” ДЭУнун мүчөлөрүнүн мыйзамсыз кайрылууларына алданбоого чакырды.
