1-сентябрга караган түнү социалдык тармактарда белгисиз жарандарды “Оштуктар өтпөй калат бул жолдон”— деп коркутуп жаткан видео тараган. Бул окуя тууралуу Талас ОИИБ төмөндөгүлөрдү билдирди.
Видео тасмада беттери кан болгон жарандарды, Ош облусундагы көк бөрү оюунунун аягында болгон чатакты себеп кылып, белгисиз жарандар 4 адамды коркутуп жатканын көрүүгө болот.
Бул факты боюнча текшерүү иштери башталып, окуяга тийиштүү жарандар аныкталган. Аталган 4 жаран Ош облусунун тургундары жана “Фольксваген-Гольф” үлгүсүндөгү авто унаа менен Россиядан чыгып, Казакстандан өтүп, Тараз-Талас-Суусамыр авто жолу аркылуу Ош облусуна бара жаткан.
Жарандарды коркутуп сабоого шектүүлөр кармалышты. Алар Талас облусунун 1995-жылкы 5 тургуну болгон.
Аталган факты боюнча КРнын КЖКнын 330-беренеси ( Расалык, этностук, улуттук, диний же региондор аралык кастыкты (араздашууну) козутуу менен кылмыш иши козголуп, тиешелүү соттук экспертизалар дайындалды. Учурда тергөө жана иликтөө иштери жүрүүдө.
