Дүйнөлүк көчмөндөр оюндарынын алкагында өткөн көк бөрү жана көкпар оюндарынын жеңүүчүлөрү сыйланды.
Көк бөрүнүн чемпиону Кыргызстанга 5 миллион сом берилди. Экинчи орунду алган Казакстанга 3,1 миллион, үчүнчү орундагы Россияга 2,5 миллион жана төртүнчү болгон Тажикстанга 1 миллион сом тапшырылды.
Ошондой эле, көкпар боюнча жеңүүчү Кыргызстанга 3 миллион сом ыйгарылды. Ал эми, Казакстан 2 млн., Россия 1 миллион, Өзбекстан 500 миң сом алды.
Көк бөрүнүн мыкты оюнчусу деп Кыяз Ниязов табылып, ага 300 миң сом берилди.
Ал эми көкпардан Өмүрбек Эсен уулу мыкты деп аныкталды. Улакчыга сыйлыкты UFC чемпиону Валентина Шевченко тапшырды.
