Чолпон-Атанын мурдагы мэри Мирлан Маратов алдамчылыкка шектелип кармалып, камакка алынды. Бул тууралуу ИИМден билдиришти.
Маалыматка ылайык, ал Көлбаевдин уюшкан кылмыштуу тобунун мүчөсү экенин айтып, кылмыштуу жолдон баш тарткан. 45 жаштагы Мирлан Маратов 2021-жылы күзүндө Бишкек шаарынын жашоочусунан 10 миң АКШ доллары өлчөмүндөгү акча каражатын алдоо жолу менен ээлеп алган. Шектүү жабырлануучуга алгач күрөө катары “Лексус” үлгүсүндөгү унаасын, каттоо күбөлүгүн жана ишеним катын калтырган. Бирок көп өтпөй кайра келип, “шашылыш ишим бар”,- деген шылтоо менен унааны бир аз убакытка кайтарып берүүнү суранган. Ошондон кийин гана ал көздөгөн максатына жеткенден кийин кайра келбей, ал унаасын башка адамдарга сатып жиберген.
Учурда кармалган жаран убактылуу кармоочу жайга киргизилди. Аталган жаран мурда сот жообуна тартылган, криминалдык авторитет менен тыгыз байланышта болгон жана мурда облустардын бириндеги шаардык администрациясын жетектеп келген.
