Президент Садыр Жапаров кримтөбөл Камчы Көлбаевдин жок кылынышы боюнча тергөө жүрүп жатканын «Кабар» маалымат агенттигине берген маегинде билдирди.
«Мен деле алгачкы маалыматты силер сыяктуу интернет булактарынан көрдүм. Дароо эле башкы прокурорго чалып: «Аскер прокуроруңду алып, өзүң барып, жеринен көрүп мага так маалымат берчи» деп жибердим. Ал барып, жеринен көрүп мага кайра чалды. «Атышуу болуп кетиптир, өлүм бар экен, жарадарлар бар экен» деп. Операция кандай болгон, мыйзамдуубу же мыйзамсызбы тез арада тергөө иши жүргүзүлсүн делип иш аскер прокуратурасына берилди. Азыр тергөө жүрүп жатат. Жыйынтыгын күтөлү»,-дейт өлкө башчы.
Эскерте кетсек, 4-октябрда кримтөбөл Камчы Көлбаев (Камчыбек Асанбек) УКМК кызматкерлерине куралдуу каршылык көрсөтүүдө өлтүрүлгөн.
