Улуттук статистика комитетинин эсеби боюнча, 2023-жылдын үчүнчү кварталында кыргызстандык бир кишинин жашоого керектей турчу минималдык каражаты 7 756 сом 46 тыйынды түздү.
“Эмгекке жөндөмдүү курактагы калк үчүн жашоо минимуму – 8671 сом 54 тыйын, пенсионерлер үчүн – 6878 сом 74 тыйын жана балдар үчүн – 6598 сом 5 тыйын” — деп айтылат маалыматта.
Белгилей кетсек, жашоо минимумунун деңгээли Бишкек шаарында эң жогору – 8068 сом 58 тыйын. Ал эми эң төмөнкүсү Талас облусунда – 7202 сом 57 тыйынды түзөт.
