Күрп-Сай ГЭСинде Турдакун Усубалиевдин айкели орнотулду. Бул тууралуу Энергетика министрлигинен билдиришти.
Кыргызстандын көрүнүктүү мамлекеттик жана коомдук ишмери, КР Баатыры Турдакун Усубалиевдин айкели өлкөнүн энергетика тармагындагы маанилүү объектилердин бири болгон Күрп-Сай ГЭСинин кире беришинде орнотулду.
Эске салсак, 2019-жылдан бери Күрпсай ГЭСи Турдакун Усубалиевдин ысымын алып жүрөт. Бул анын өлкөнүн энергетикасын өнүктүрүүгө, Кыргызстанды индустриалдык жолго салууга кошкон зор салымына берилген жогорку баанын белгиси.
