Акчаны уурдап Бишкек шаарына качып кеткен жаран кармалды. Бул тууралуу Баткен ОИИБнын Басма сөз кызматы билдирди.
Маалыматка ылайык, Кадамжай районунун Орозбеков айыл аймагынын 36 жаштагы тургуну, үйүнөн 100миң сом акчасын уурдатканын айтып, милиция кызматкерлерине арыз менен кайрылган.
Арыз Кадамжан РИИБнине “Уурдоо” беренеси менен катталып, сотко чейинки өндүрүшкө алынган. Натыйжада, Ош облусунун Араван районунун 29 жаштагы М.К. аттуу тургуну кармалып, уурдалган акча өз ээсине кайтарылып берилди. Учурда тергөө иштери жүрүп жатат.