Кадамжай шаарынын 53 жаштагы тургуну түн ичинде жолдо баратканда ага 20-25 курактагы бала кол салып, денесине зыян келтиргенин жана базар баасы 19 000сомдук SAMSUNG GALAXY A31 үлгүсүндөгү кол телефонун тартып алганы боюнча милицияга арыз жазган.
Бул факты боюнча Кадамжай РИИБнин экстремизм жана мыйзамсыз миграцияга каршы аракеттенүү кызматы сотко чейинки өндүрүш ишин баштап, шектүү катары мурда 8 жолу сот жообуна тартылган Кадамжай шаарынын 26 жаштагы Н.Н. аттуу тургуну кармалганын билдирди.
Азыркы күндө тергөө иштери жүрүп жатат.