МККБ кызматкерлери эс-учун жоготкон жаранды тез арада ооруканага жеткиришти. Бул тууралуу аталган кызматтын басма сөз кызматынан билдиришти.
Маалыматка ылайык, 18-ноябрь саат болжол менен 21:30 чамасында Ахунбаев жана 7-Апрель көчөлөрүнүн кесилишинде белгисиз жарандар Бишкек шаарынын МККБ кызматкерлерине жардам сурап кайрылышкан. Алар жакын жерде эркек киши белгисиз себептен улам эс-учун жоготуп, аны тез арада ооруканага жеткирүү зарылдыгын билдиришкен.
МККБ кызматкерлери дароо жаранды эң жакынкы медициналык мекемеге ыкчам жеткиришип, алгачкы медициналык жардам көрсөтүлүшүнө шарт түзүшкөн.
Посмотреть эту публикацию в Instagram
