Кыргызстандын ИКОМ Улуттук комитети Дубайда өтүп жаткан ICOM Dubai 2025 Генералдык конференциясына катышып, өлкөнүн музей тармагынын кызыкчылыктарын дүйнөлүк деңгээлде татыктуу сунуштады. Маданият, маалымат жана жаштар саясаты министрлиги кабарлады.
Конференцияда музей ишиндеги негизги багыттар — этика, инклюзивдүүлүк, туруктуулук, санариптештирүү жана маданий мурасты коргоо маселелери талкууланып, «ИКОМдун Этикалык кодексин кайра кароо» өзгөчө көңүл чордонунда болду.
40-сессиядагы Ассамблеяда маанилүү резолюциялар кабыл алынып, ИКОМдун жаңы жетекчилиги шайланды: Президент — Антонио Родригес, вице-президенттер — Насир Ал-Дармаки жана Тайбих Голназ Голсабахи.
Төрайым А.К. Алымова Кыргызстан музей тармагынын позициясын активдүү жактап, эл аралык кызматташтыкты кеңейтүүгө салым кошууда.
Кыргызстан бул иш-чара аркылуу глобалдык музей коомчулугунун ишенимдүү жана активдүү өнөктөшү экенин дагы бир жолу көрсөттү.
