Улуттук коопсуздук комитетинин төрагасы Камчыбек Ташиев 20-июлда өкмөттүн жыйынында министрлер эс албай иштеши керектигин эскертти.
«Айрыкча министрлер, биз көп иштешибиз керек. «Эл дем алып жатат, мен дагы дем алам» дегенди токтотушубуз керек. Көлдө «шортачан» күнгө кактанып жатканыңарды көрбөйүн. Үйүңөрдө дем алгыла, иштегиле. Эмгек өргүүсү деген бизде болбойт. Мисалы, мен бүгүн таңкы сат 5тен бери жумуштамын. Министрлер жумушка саат 8.30-9.00дө келесиңер. Андай болбойт. Таңкы саат 6дан баштап жумушта болушуңар керек. Эл жолго чыкканда силер дагы тыгын жасабай, саат 6-6.30да жумушта болушуңар керек. Бул биздин элге көрсөткөн үлгүбүз болот», — деди Ташиев.
