Улуттук коопсуздук мамлекеттик комитетинин төрагасы Камчыбек Ташиев Ташкентте Борбор Азия өлкөлөрүнүн атайын кызматтарынын жетекчилеринин биринчи жолугушуусуна катышты.
Жыйында аймактык коопсуздуктун абалын талкуулап, учурдагы коркунучтар боюнча аналитикалык маалыматтар менен алмашышты. Анда туруксуз аймактардан келип чыккан чакырыктарга биргелешип каршы күрөшүүгө өзгөчө көңүл бурулду.
«Кыргыз тарап Борбор Азияда тынчтыкты жана туруктуулукту камсыз кылуу боюнча жакшы коңшулук, ачык диалог жана биргелешкен күч-аракеттердин принциптерине берилгендигин ырастады», — деп айтылат маалыматта.
