Жалал-Абад облусунун Кара-Көл шаарындагы бала бакчада 4 жашар бала тепкичтен кулап, акыреги сынган. Окуя «Келечек» бала бакчасында болгон.
«3-мартта 2018-жылы төрөлгөн баланы тай энеси алып барган. Дарыгерлер балага кароо жүргүзүп, сол жак акыреги сынганын айтышккан. Дарыгерлердин айтымында, аталган баланын сол жак акыреги мурда да сынган. Ага тиешелүү медициналык жардам берилди»,- деп айтылат Б.Рысбекова атындагы жалпы дарыгерлер практикалоо борборунан.
Ал эми, бала бакчадагы күбөлөрдүн айтымында, ошол эле күнү тарбиячылар балдарды үйүнө узатып жаткан учурда болгон. Бала дааратканага чуркап бара жатканда тепкичтен жыгылып кеткен.
Булак: Турмуш басылмасы.