Кара-Көл шаарынын мэриясы медициналык окуу жайга тапшыргандардын контрагын төлөп берүүнү сунуштады. Бул тууралуу Кара-Көл шаарынын мэри Нуртилек Орозбаев “Кабар” агенттигине берген маегинде билдирди.
Анын айтымында, медицина тармагындагы кадрлардын жетишсиздигинен учурда мектепти аяктаган окуучулар жана ата-энелер менен сүйлөшүүлөр жүрүүдө.
“Акушер-гинеколог, хирург дарыгерлери керек. Эгер бүтүрүүчүлөр медициналык жогорку окуу жайга тапшырса, биз үч тараптуу келишимдин негизинде анын контрагын толук же жарымын төлөп беребиз. Азыр эки бүтүрүүчү менен ошондой келишим түзгөнү жатабыз. Кийин окуусун аяктаганда Кара-Көл шаарына келип медицина мекемелелерине иштеп бериши керек», — дейт шаар жетекчиси.
