Ысык-Көл облусунун Каракол шаарында жол кырсыгынан бир адам жабыркады. Бул тууралуу Өзгөчө кырдаалдар министрлигинин басма сөз кызматы билдирет.
Анын айтымында, 4 -августта Карасаев жана Масалиев көчөлөрүнүн кесилишинде Mercedes -Benz Sprinter жана Volkswagen Passat үлгүсүндөгү эки унаа сүзүшкөн.
Кырсыктын кесепетинен 1980 -жылы туулган эркек киши жеңил унаада камалып калган.
Куткаруучулар жабырлануучуну алып чыгып, тез жардам кызматына өткөрүп беришкен.