Каракол шаарынын негизги көчөлөрүн капиталдык оңдоодо жана сатып алууда мыйзам бузууга шектелип, муниципалдык жол чаба ишканасынын мурдагы директору жана курулуш компаниясынын жетекчиси кармалды.
Каракол шаарынын муниципалдык жол чарба ишканасынын экс-директору 2023-жылдын августунда Жакыпов көчөсүнүн 660 метр капиталдык ремонтуна «Г-У» ЖЧКсынын жетекчиси менен биргеликте 24,5 млн. сом суммасында сатып алуу жол-жоболорун бузуп, келишип алышкан.
Мындан тышкары, аталган участоктогу оңдоо иштеринде сапатсыз материалдарды колдонуп, 3 млн. 62 миң сомго жумуштун көлөмүн жогорулатуу менен аткарылып, жыйынтыгында мамлекетке өзгөчө ири өлчөмдө зыян келтирилген.
Алар 2 айга Каракол ШИИБдин тергөө камак жайынын убактылуу кармоочу жайына камалды. Тергөө иштери уланууда.
