Каракол тоо лыжа базасында кышкы туристтик сезондун расмий ачылышы болуп өттү. Бул тууралуу президенттин Ысык-Көл облусундагы ыйгарым укуктуу өкүлүнүн басма сөз кызматы билдирди.
Маалыматка караганда, иш-чарага коңшу өлкөлөрдөн жана алыскы аймактардан келген коноктор катышты.
Облустун башчысы Эмилбек Абдыкадыров башка өлкөлөрдөн келген туристтердин көңүлүн буруу үчүн кышкы туризм тармагын өнүктүрүүнүн маанилүүлүгүн белгиледи.
“Каракол тоо лыжа базасында кышкы сезондун ачылышы туристтер жана активдүү эс алууну сүйүүчүлөр үчүн уникалдуу мүмкүнчүлүктөрдү берет. Аларга кереметтүү тоо трассаларын гана эмес, жаратылыштын кооздугуна жана Кыргызстанда активдүү эс алуу үчүн ар кандай мүмкүнчүлүктөрдү сунуштайт” — деп айтылат билдирүүдө.
