Финансы министрлигине караштуу Мамлекеттик салык кызматындагы коррупция фактысы боюнча бюджетке 100 млн кайтарылды. Бул тууралуу УКМКдан билдиришти.
Мурда маалымдалгандай, 10 салык инспектору жана жеке ишканалардын үч жетекчиси кармалган. Алар “Ф” тобундагы компаниялардын өкүлдөрү менен алдын ала сүйлөшүп алып, республиканын бюджетине иш жүзүндө төлөнүүгө тийиш болгон салыктардын суммасын бир нече эсе төмөндөтүп, 3,3 миллион сом өлчөмүндө гана салыктарды төлөшкөн.
Келтирилген зыян 100 миллион сом экени аныкталып, бюджетке толук кайтарылды.
Бул кылмыш иши боюнча тергөө уланып, анын жүрүшү жана жыйынтыгы тууралуу УКМК коомчулукка маалымдап турат.
