Казакстандан бир үйүр жылкы табылды. Кеминдеги жоголгон жылкы болушу мүмкүн. Бул тууралуу кубө Кактуска билдирген.
Ал белгилегендей, казактар жылкылардын ээсин издеп жатат.
«Казакстанда бир үйүр жылкы кармалып турат, алар жылкы ээсин издешүүдө. Таап алгандар жылкыларды видеого тартып группаларга таратып жатышат», -деп жазган ал.
Эске сала кетсек, кечээ Кемин районунда бир аялга тиешелүү 39 бээ жана 15 тай табышмактуу түрдө дайынсыз жоголуп кеткендиги тууралуу маалымат тараган. Алгач 10-октябрда 17 бээ жоголгон. Бул тууралуу 47 жаштагы чабан милицияга арыз менен кайрылган. Ал эми экинчи жоголуу 26-октябра катталып, бардык жылкылар жоголуп кеткен.