7-канал. Жаңылыктар — Кыргызстан

Жаңылыктар — Кыргызстан

Сортировка новостей по дате

Июль 2024
Пн Вт Ср Чт Пт Сб Вс
1234567
891011121314
15161718192021
22232425262728
293031  
  • social_icon
  • social_icon
  • social_icon
  • social_icon

Казакстанга жарандарды мыйзамсыз алып өтүү менен алектенген топ кармалды

346

Кыргызстандын чек арасы аркылуу Казакстанга чет өлкөлүк жарандарды системалуу түрдө мыйзамсыз алып өтүү менен алектенген адамдардын тобунун ишмердүүлүгүнө бөгөт коюлду. Бул тууралуу УКМКдан билдиришти.

Маалыматка ылайык, 29-октябрда Ысык-Ата районунун аймагында Кыргызстандын чек арасынан Казакстанга мыйзамсыз кесип өтүүгө аракет кылып жаткан жеринен Пакистан Ислам Республикасынын 3 жаранын, ошондой эле бул мыйзамсыз миграциянын туруктуу каналынын уюштуруучулары Эл аралык медициналык университеттин Медицина факультетинин 5-курсунун студенти Пакистандын “U.N.” аттуу жаранын жана Кыргызстандын “Т.Э.Т.” аттуу жаранын кармашты.

Мындан тышкары, Кыргызстанга Пакистан Ислам Республикасынын 3 жаранын турист катары киргизген мыйзамсыз миграциялык каналдын кошумча катышуучулары аныкталып, алар да кармалган. Уюштуруучулар жарандарды Казакстанга өткөрүү үчүн 1700 АКШ долларына чейин каражат алышкан.

Чек араны мыйзамсыз кесип өтүү аракети боюнча Пакистан Ислам Республикасынын үч жаранына карата Кылмыш-жаза кодексинин 378-беренесинин (“Мамлекеттик чек арадан мыйзамсыз өтүү”) негизинде кылмыш иши козголсо, мыйзамсыз миграцияны уюштуруучуларга карата Кылмыш-жаза кодексинин 168-беренесинин (“Мыйзамсыз миграцияны, мигранттарды мыйзамсыз алып келүүнү (алып чыгууну) уюштуруу”) негизинде кылмыш иши козголду.

Бишкек шаарынын Октябрь райондук сотунун чечими менен Пакистан Ислам Республикасынын 7 жараны 2 айлык мөөнөткө ЖАКнын №1 тергөө абагына камалды.

Учурда издөө иш-чаралары жүргүзүлүүдө.

347