Бишкекте соода борборунан үч жашар кызды уурдап кетишкен. Бул тууралуу Свердлов РИИБден билдиришти.
Маалыматка караганда, 9-ноябрда милицияга С.М. аттуу жаран белгисиз адамдарга карата чара көрүү арызы менен кайрылган. Анда ошол эле күнү Жибек-Жолу көчөсүндө жайгашкан оюн залдарынын биринде жашы 2020-жылы туулган кызды уурдап кетип, андан соң белгисиз тарапка качып кетишкен.
Аталган факт боюнча Кылмыш-жаза кодексинин 165-беренесине (Адамды уурдоо) ылайык кылмыш иши козголду.
Милиция кызматкерлери мурда уурдалган баланы таап, ата-энесине кайтарып беришкен.
«Баланы издөө үчүн шаардык милициянын жалпы жеке курамы тартылган. Милицияга 13 жаштагы Т.А. жана 25 жаштагы Р.М. аттуу аял жеткирилди. Учурда окуянын чоо-жайы такталууда», — дешти милициядан.
