Үстүбүздөгү жылдын январь — октябрь айларынын жыйынтыгы боюнча эки казинонун ишинен 68 миллион 850 миң сом салык түштү. Бул тууралуу Финансы министрлиги билдирди.
“Октябрда казына салыктын бул түрүнөн 9,9 миллион сомго толукталды” – деп айтылат билдирүүдө.
Мындан тышкары, он айдын ичинде бюджетке букмекердик конторалардан жана тотализаторлордон дагы 2,8 миллион сом жана компьютердик оюн автоматтарынан 80 миң сом түшкөн.
Ошентип, ушул жылдын он айында эле оюн-зоок ишинен өлкө бюджети 71 миллион 730 миң сомго толукталды.
