Президент Садыр Жапаровдун тапшырмасы менен Мамлекеттик ипотекалык компания өлкөнүн аймактарында көп кабаттуу турак жайларды куруу долбоорлорун ишке ашырууда. Бул багыттагы долбоорлордун бири Ысык-Көл облусунун Түп районуна караштуу Кең-Суу айылында курулуп жаткан “Хан-Теңири-6” турак жай комплекси болуп саналат.
Иш-чарага Президенттин Иш башкаруучусу Каныбек Туманбаев катышты. Ал өз сөзүндө калкты турак жай менен камсыздоого өзгөчө көңүл бурулуп жатканын белгиледи.
“Президенттин тапшырмасы менен өлкөнүн бардык аймактарында жарандарды жеткиликтүү жана сапаттуу турак жай менен камсыз кылууга өзгөчө көңүл бурулууда. Бул максатта турак жайлар ири шаарларда гана эмес, райондордо жана алыскы айылдарда эми курула баштайт. Белгилей кетсек, буга чейин алыскы аймактарда мындай үлгүдөгү көп кабаттуу турак жайлар сейрек курулуп келген. Бүгүнкү күндө аймактарда заманбап турак жай комплекстеринин курулушу өлкөнүн экономикалык мүмкүнчүлүктөрүнүн кеңейип жатканын жана калкты сапаттуу турак жай менен камсыздоо мамлекеттик саясаттын артыкчылыктуу багыттарынын бири экенин көрсөтөт, — деп кошумчалады.
Посмотреть эту публикацию в Instagram
