Чүй облусунун Кегети дарыясына 23-июнда агып кеткен 6 жаштагы баланын сөөгү бүгүн, 26-июнда табылды.
ӨКМ билдиргендей, маркумдун сөөгү кырсык болгон жерден болжол менен 2–3 чакырым төмөн жактан, издөө иштерине көмөктөшүп жүргөн жарандар тарабынан табылган. Өздүгү жакындары тарабынан такталып, андан аркы тиешелүү иш-чараларды жүргүзүү үчүн ИИМ кызматкерлерине өткөрүлүп берилди.
Ушуга байланыштуу издөө-куткаруу иштери расмий түрдө жыйынтыкталды. Издөө иштерине ӨКМ кызматкерлеринен тышкары Казакстан менен Россиядан келген ыктыярчылар да катышкан.
Посмотреть эту публикацию в Instagram
