Бир түндө жылдызга айланган Бегимай Турусбекова кичи мекени Казарман айылында жердештери үчүн чакан концертин тартуулады. Элдик талантты айылдаштары, туугандары жылуу тосуп алган.
«Концерт мыкты деңгээлде өттү. Айылыма концерт коём деген план жок болчу. Аким, маданият үйүндөгүлөр баарын уюштуруп, даярдап коюшуптур»,-деди Турусбекова.
Интернет жылдызы мындан да чоң концерт уюштурууну максат кылып жатканын кошумчалады. Ошондой эле ал жакында Бишкекке келерин жана чыгармачылыгын улантарын билдирди.
