Кемин районуна караштуу Чым-Коргон айылында 52 жаштагы адам кырсыктан көз жумду. Бул тууралуу Өзгөчө кырдаалдар министрлигинин басма сөз кызматы билдирди.
Маалыматка караганда, 2-феврал күнү саат 19:45 чамасында Бишкек-Нарын-Торугарт унаа жолунун 80-чакырымында “MAN” үлгүсүндөгү оор жүк ташуучу унаа менен “Мерседес бенц” үлгүсүндөгү жеңил унаа кагылышкан.
Кырсыктын кесепетинен 1969-жылы туулган эркек киши ошол жерде каза болуп, дагы бир адам жаракат алган. Куткаруучулар маркумдун сөөгүн унаадан чыгарып, милиция кызматкерлерине өткөрүп беришкен. Жабырлануучу тез жардам унаасы менен ооруканага жеткирилген.
