Нарын шаарында сууга тушуу коркунучу бар делген кооптуу обьектерде түшүндүрүү иштери уланууда. Бул тууралуу ӨКМнин басма сөз кызматы билдирди.
Маалыматка ылайык, аталган аймакта сууга түшүү коркунучу бар делген 10 кооптуу жай бар. Ошондой эле, ӨКМ кызматкерлери аймактагы Запин аталышындагы жайында сууга түшүп жаткан 13-14 жаштагы жаш уландарга түшүндүрүү иштерин жүргүзүштү.
Белгилей кетсек, өлкө боюнча жыл башынан бери сууга чөгүп каза болгондордун саны 21 адамды түзгөн болсо, анын 9у 12 жашка чейин жаш балдар болгон. Бул көрсөткүч өткөн жылдын ушул мезгилине салыштырмалуу 7 адамга көбөйгөн.
ӨКМ кызматкерлери сууга түшүүчү жайларда этият болууну өзгөчө жаш балдарды жалгыз таштабооңуздарды эскертет.