2021-жылдын январь-апрель айында Кыргыз Республикасынын Өкмөтүнүн Аппаратына 2393 – кат жүзүндө жана 1 775 оозеки түрдөгү жарандардын кайрылуусу келип түшкөн. Бул тууралуу өкмөттүн басма сөз кызматы билдирди.

Каттар төмөнкү тараптардан келип түшкөн:
— Кыргыз Республикасынын Президентинин Аппараты – 205 (8,56%);
— Кыргыз Республикасынын Жогорку Кеңеши – 129 (5,39%);
— Кыргыз Республикасынын Премьер-министринин коомдук кабылдамасы – 120 (5,01%);
— электрондук кайрылуулар – 194 (8,11%).

Кыргыз Республикасынын Премьер-министринин коомдук кабылдамасында жеке маселелер боюнча 938 жаран кабыл алынган, анын ичинде жетекчилик тараптан 76 жаран кабыл алынган.

2020-жылдын тийиштүү мезгилине салыштырмалуу кайрылуулардын саны 1329 кайрылууга, же 2,25 эсеге көп болгон.

Белгилей кетсек, кайрылуулар республиканын бардык аймактарынан келип түшкөн.

Арыз, даттануу жана сунуш-пикирлердин басымдуу бөлүгү Бишкек шаарынын тургундарынан – 966 (40,36 %) түшкөн, андан соң Чүй облусунун – 385 (16,08%), Жалал-Абадской облусунун – 157 (6,56%) жана Ош облусунун – 151 (6,31%) тургундарынан келип түшкөн.

Жарандардын кат жүзүндөгү кайрылууларынын тематикасы боюнча төмөнкү багыттарды бөлүп көрсөтүүгө болот:
— жеке кабылдама боюнча — 273 (11,41%);
— турак-жай маселеси — 206 (8,69%);
— социалдык кызматтардын иши, пенсиялар, жеңилдиктер, жөлөкпулдар жана материалдык көмөк көрсөтүү тууралуу кайрылуулар — 189 (7,89%);
— кадрдык маселелер, жумушка орноштуруу, эмгек талаштары жана айлык акы тууралуу — 103 (4,30%);
— Ички иштер министрлигинин маселелери — 99 (4,13%);
— саламаттык сактоо жана Милдеттүү медициналык камсыздоо фондунун иши боюнча маселе — 94 (3,92%);
— банк түзүмдөрүнүн, микрокредиттик компаниялардын маселеси — 89 (6,14 %).

Жарандардын айрым кайрылуулары боюнча Кыргыз Республикасынын министерство жана ведомстволорунда авторлор тарабынан көтөрүлгөн көйгөйлөрдү жана көрсөтүлгөн фактыларды иликтеп чыгуу үчүн жумушчу топтор түзүлгөн.