Маркумду көмүү жана мүрзөгө эстеликтерди орнотуу тартиби бекитилди. Тиешелүү чечимге Министрлер кабинетинин төрагасы Адылбек Касымалиев кол койду.
Анда адамдын тутунган динине жана социалдык абалына карабастан маркум жаткан жайдын үстүнө эстелик, монумент, статуяларды орнотуп, гранит, мрамор жана башка кымбат баалуу таштардан, темирлерден тосмолорду койбоо.
Мындан тышкары мүрзөнүн үстүнө коюла турган эстеликтин бийиктиги 70 сантиметрден жогору болбошу кажет жана өтө зарыл болбосо бейитти тосмолобоо сунушталат.
Зарылдыгына карап, ысырапкорчулукка жана ашыкча чыгымга жол бербей, жыгачтан же башка чирибес материалдардан жөнөкөй тосмо жасаса болот.
