2025-жылга карата мамлекеттик гезиттерге жазылууну уюштурууга жооптуу адамдардын тизмеси бекитилген. Ага ылайык, мамлекеттик кызматкерлер өкмөттүк үч гезитке милдеттүү жазылышы керек.
Маалыматка караганда, мамлекеттик кызматкерлер, жергиликтүү бийлик өкүлдөрү жана мамлекеттик үлүшү бар ишканалардын жетекчилери «Эркин-Тоо», «Кыргыз Туусу» жана «Слово Кыргызстана» гезиттерине милдеттүү түрдө жазылышы керек. Тиешелүү тескемеге министрлер кабинетинин төрагасы Адылбек Касымалиев кол койгон.
Жогорудагы чечим өлкөнүн маалымат саясатын бекемдөө жана улуттук басылмаларды колдоо максатында кабыл алынган.
