Ноокен районунун Кочкор-Ата шаарында жаңыдан курулуп бүткөрүлгөн төрөт үйүнүн имараты пайдаланууга берилди.
Ачылыш салтанатка Министрлер кабинетинин төрагасы Акылбек Жапаров катышты. 145 миңден ашык калкы бар Ноокен районунун калкын тейлеген эски төрөткана колдонууга жараксыз болуп калган. Жаңы имараттын курулушу 2021-жылдын октябрь айларында башталып, ага республикалык бюджеттен 52 млн сом бөлүнгөн.
Эки кабаттуу имарат 50 орунга ылайыкталган жана 3 төрөт бөлмөсү, операциялык блок жана палаталарды камтыйт. Акылбек Жапаров белгилегендей, 2023-жылы негизги басым социалдык объектилерди, анын ичинде ооруканаларды, медициналык борборлорду курууга бурулат.https://m.facebook.com/story.php?story_fbid=pfbid02yX2Vz5R9W1Vxx5Sb1jcHRVP4awNJ7F9Qys3k1kH8eXfFfsXUdRNTyBC3KYExRTL7l&id=100079910115998&mibextid=Nif5oz
