Социалдык тармактарда коомдук транспорт айдоочусунун рулда баратып жүргүнчүлөр менен уруша кетип, ошол эле учурда колуна уюлдук телефон кармап баратканы тартылган видео тарады. Ага карата тиешелүү чаралар көрүлдү. Бул тууралуу МККБнын Басма сөз кызматы билдирет.
Мындай аракет жүргүнчүлөрдүн коопсуздугуна коркунуч жаратып, жол кыймылынын эрежелерин бузуу болуп эсептелет.
Бул факт боюнча милициянын кайгуул кызмат башкармалыгы текшерүү жүргүзүп, айдоочуга карата тиешелүү укук бузуулар жөнүндө протоколдор түздү жана профилактикалык түшүндүрүү иштери жүргүзүлдү.
