Жайдын аптаптуу ысык күндөрү башталып, базарларда сезондук мөмө-жемиштер сатылууда. Алсак, дарбыз менен коон чаңкообузду кандырып, көпчүлүктүн көңүлүн буруп турат. Тилекке каршы, ар дайым эле сатып алган жемишибиз оюбуздагыдай чыгып, күткөнүбүздөй болбой калышы мүмкүн. Чындыгында, мөмө-жемиштерди тандоо жеңил эмес. Сатып алууда эмнеге көңүл буруу керектигин алдыда айтып беребиз.

Дарбызды кантип туура тандоо керек?

Дарбыздагы сызыкчалар жана бети:

Дарбызда кара сызыкчалар бар болсо, бети жылмакай жана жалтырак болсо жемиш бышкан. Жаракалары бар дарбыздан алыс болуңуз.

Сары так: Ачык сары же каймак тактар дарбыз жерде бышып жатканынын белгиси. Ал канчалык каныккан болсо, жемиш ошончолук бышат.

Катуулугу: Кабыгы катуу жана калың болушу керек. Жумшак болсо эскиргендигинен кабар берет.

Уруп көргөндөгү үн: Бышкан дарбыздан шыңгыр, катуу үн угулат.

Салмагы: Оор дарбызда шире көбүрөөк болгондуктан, ал ширелүү жана даамдуу болот.

Коонду кантип туура тандоо керек?

1.Жыты — Коондон жыпар жытту жана ачык таттуу жыт чыгып турса, бышканын көрсөтөт. Эгерде жыты жок болсо — быша элегинин белгиси.

2. Сырткы көрүнүшү — Бир калыпта саргыч же ачык күрөң болгону оң. Тактары,жаракалары жана көгөргөн жерлери болбошу керек

3. Сабагы — Кургак жана калын болсо — бышкан. Жашыл болсо — эрте үзүлгөн.

4. Формасы — Тегиз, бекем жана оорураак коон жакшы.

5. Уруп көргөндөгү үнү — Кол менен черткенде жымыңдаган, көмүскө үн чыкса бышкан.Үнсүз же жумшак болсо ал быша элек жемиш

6. Кабыгы — Катуу эмес, манжа менен басканда бир аз ийилип турса ал — ширелүү коон.

Дарбыз менен коонду колдонуу жолдорунун өзгөчө түрлөрү:

1. Суусундуктар

• Дарбыз , лимон жана жалбыз менен— табигый детокс-коктейлин жасоого болот
• Коон, кокос суусу жана муз менен — организмге магний жана калий толтуруучу сергитүүчү ичимдик алабыз
• Дарбыз менен коондун ширесин жана муз кошуп, табигый жана витаминдүү суусундук ала алабыз

2. Салаттар

• Дарбыз, фета сыры жана жалбыз менен — туздуу-таттуу даам кошулган өзгөчө салат болот
• Коон, козу карын жана зайтун майы менен — экзотикалык жеңил салат болот.3. Десерт жана балмуздак

• Дарбыз жана коонду кичинекей бөлүктөргө бөлүп, тоңдуруп, блендерден өткөрүп, балмуздак кылып даярдаса болот.
• Йогурт менен аралаштырып, муздатылган крем десерт жасоого мүмкүн.

4. Кабыгынан татымал

• Дарбыз кабыгынан (ак бөлүгүнөн) татымал же маринад даярдоого болот.
• Аны кайнатма кылып, имбирь жана лимон менен кошсо — суук тийүүгө каршы табигый дары болот.

5. Смузи жана ботко

• Коонду банан же авокадо менен аралаштырып, таңкы смузи катары ичсе болот.
• Дарбыз ширесине овсянка (солому) кошуп, муздак ботко жасоо — ысыкта тоюучу, жеңил эртең мененки тамак.