Бир суткада 376 адамдан коронавирус илдети аныкталды, анын басымдуу бөлүгү Бишкек шаарында жана Чүй облусунда катталган. Бул тууралуу республикалык штаб билдирди.
Маалыматка ылайык, Бишкек — 238, Ош — 17, Чүй облусу – 66, Ош облусу – 14, Талас облусу — 4, Нарын облусу — 5, Ысык-Көл облусу – 21, Жалал-Абад облусу – 9, Баткен облусу – 2 жаңы учур катталган.
Ал эми сакайып чыккандардын саны 386 адам болсо, 8 адам кайтыш болду.
Бейтапканаларда 1 миң 614 адам дарыланууда, алардын 404үнүн абалы оор. Медицина кызматкерлеринен 7 дарыгерден илдет аныкталды.