Өлкөдө коронавируска байланыштуу азырынча эч кандай чектөө киргизилбейт. Бул тууралуу Саламаттык сактоо министринин орун басары Бүбүжан Арыкбаева билдирди.
Ал белгилегендей, чектөө чараларын киргизүүгө эрте, анткени биз “жашыл зонадабыз”.
«Эртең коронавирус боюнча республикалык штабдын жыйыны пландалууда, балким ал жерден 2 жумага карата алдын ала божомол айтылат”, — деди Арыкбаева.
Министрлик COVID-19 боюнча статистика кайрадан бериле баштай турганын билдирди. Кыргызстанда коронавирус аныкталгандар соңку эки аптадан бери кайра каттала баштады. 27-июндан 3-июлга чейин вирус жуктурган 48 адам катталган. Алардын ичинде 43ү — Бишкекте.
