Бүгүн, КРнын эл артисти Валентина Гилка акыркы сапарга узатылды.
Маалыматка ылайык, коштошуу зыйнатына министрлер кабинетинин төрагасынын орун басары Эдил Байсалов, маданият, маалымат, спорт жана жаштар саясаты министри Азамат Жаманкулов катышты.
Анда Валентина Гилканын чыгармачылыгы, эмгек жолу жана адамдык парасаты эскерилип, басып өткөн жолу кийинки муунга үлгү катары калаары айтылды.
Белгилей кетсек, актриса менен коштошуу зыйнатына туугандары, кесиптештери жана кеңири коомчулук катышып, өзү өмүрүнүн акырына чейин эмгектенип кеткен Чыңгыз Айтматов атындагы Мамлекеттик улуттук орус драма театрынан ардак кароол менен узатылды.
