25-январда Сокулук райондук сотунда мурдагы жубайынын кулагын жана мурдун кескилеген деп айыпталган Асел Ногойбаеванын мурдагы күйөөсүнүн иши боюнча соттук отурум уланды. Айыпталуучу сот залында заара ушатып койгон.
Аселдин жакындары ал мындай амал менен өзүн психикалык жактан оорулуу көрсөтүп, жоопкерчиликтен качууга аракет кылып жатканын айтууда. Айыпталуучу сыркоолоп жатканын, дарыланууга жөнөтүлүшү керектигин талап кылган. Ал ошондой эле соттук отурумдарга катышпоого уруксат берүүнү суранган. Сокулук райондук соту муну четке какты.
Соттун өкүмү бүгүн чыгары күтүлүүдө.
Сүрөт: AКИpress
