Кыргызстанда курулуш тармагы ылдам темп менен өнүгүп жатат. Бул тууралуу Курулуш, архитектура жана турак жай-коммуналдык чарба министри Нурдан Орунтаев Биринчи радионун “Таңкы Кыргызстан” түз эфиринде билдирди.
Мурда социалдык объектилер негизинен шаардык жана областтык деңгээлде курулса, 2025-жылы райондордо жана айылдарда да жаңы имараттардын саны кыйла өскөн.
Анын айтымында, 2025-жылы жалпы 291 социалдык объекттин курулушу жана капиталдык оңдоп-түзөө иштери аяктады. Анын ичинен 100дөн ашыгы мектеп, 50гө жакыны бала бакча жана оорукана болуп саналат. Бул иштерге республикалык бюджеттен 15,5 млрд сом бөлүнгөн.
Салыштыруу үчүн, өткөн жылы курулуш тармагына 12 млрд сом каралган.
