Бүгүн нөшөрлүү жаан-чачынга байланыштуу республиканын тоолуу райондорунда сел жүрүп, дарыяларда суунун деңгээли көтөрүлүшү ыктымал. Бул тууралуу Кыргызгидромет кабарлады.
Батыштан соккон шамалдын ылдамдыгы секундасына 4-9 метрден, айрым жерлерде 17-22 метрге жетет.
Абанын температурасы Чүйдө +20…+25, Ош, Жалал-Абад, Баткен облустарында +23…+28, Талас жеринде +17…+22, Ысык-Көл аймагында +14…+19, Нарын өрөөнүндө +15…+20 градус жылуу болот.
Күндүн табы борбор калаада +23…+25, Ош шаарында +26…+28 градуска чейин көтөрүлөт.
