Аксакал баштаган топ жигиттер жаңы эле Теке-Секирик ашуусун артка таштап, Жыландуу жылганын түзөңүнө өргүдү. От улуу жагылып, күнү бою аттан түшпөгөн баатырлар тердик салынып, ээрди жазданып уйкуга киргенде, аксакал ордунан туруп, канжыгадагы кыл арканды чечип, тегерете таштап койду.
Айланта ташталган аркандын ичинен эсен-соо ойгонгон жигиттер: «Жарыктык, ырымыңыздын ың-жайын айтып бербейсизби» – дегенде, КЫЛ АРКАНДАН жылан өтө АЛБАЙТ балдарым, СҮТ ЭМГЕН ТАЙДЫН КУЙРУК КЫЛЫНАН ЭШКЕН арканда жан бар, алгач кармаганда эле денең дүрт дейт, колуң үркөт, илгертен бабаларыбыз боз үйдү тегерете кыл аркан таштап коюшчу деди.
Жол уланды.
