Социалдык тармактарда кыргыз спортчуларынын тамак ичип жаткан видеосу тараган. Видеонун Олимпиада оюндарында тартылганы айтылып, коомчулукта талкуу жараткан. Бул маалымат чындыкка дал келбегенин Маданият министринин орун басары Марат Тагаев билдирип, видео менен бөлүштү.
“Кыргыз балбандар Парижде тамак ичип отурат деген видео Бишкекте тартылган. Жалганга ишенбеңиздер! Урматтуу достор, Олимпиада башталгандан бери айрымдар жамандык эле издеп жатышат да, кудай урбадыбы эми, элдин маанайын бузбагылачы сураныч”,- деп берилет билдирүүдө.
