Кыргызстандын грек-рим күрөшү боюнча курама командасынын мүчөсү Акжол Махмудов Дүйнө чемпионатынын жарым финалына чыкты.
16-сентябрдан 24-сентябрга чейин Сербиянын Белград шаарында өтүп жаткан Дүйнө биринчилигине Махмудов 77 кг чейинки салмак ченинде катышып, 1/16 финалдык баскычтан тарта күч сынашууда.
Чейрек финалда кыргыз балбаны өзбекстандык спортчуну жеңип, жарым финалга жолдомо алды.
Ал эми жарым финалдык беттеште Акжол Махмудов япониялык Нао Кусака аттуу спортчу менен күч сынашат.
Эскерте кетсек, аталган мелдеште 2024-жылы Париж шаарында өтө турган жайкы Олимпиада оюндарына жолдомо ойнотулууда.
