12 жаштагы кыргыз кызы Францияда жергиликтүү кеңештин депутаты болду. Бул тууралуу Нестандын атасы Самат Кушбек социалдык тармактагы баракчасы аркылуу билдирди.
Маалыматка ылайык, Нестан 5 тил билет жана ал 12 жашында депутат болуп, шаар мэринин өз колунан тастыктоочу күбөлүк алган.
«Жаратканга миң мертебе шүгүр.
Нестан шайлоодон жеңишке жеткенде кыргыз элимдин ар бир каалоо-тилектерин окутуп көрсөткөм. Кызым, сен кыргыздын кызысың, сен ушул жаштан топтоп баштаган тажрыйбаң Кыргызстанды дүйнөнүн сап башында турган өлкөлөрдүн катарына кошконго салым жасай аласың, сенин колуңан келет деп апаң Айнура экөөбүз дем-күч бердик», — дейт жаш депутаттын атасы.
