«Кыргыз почтасы» мамлекеттик компаниясынын кызматкери алыскы райондордун тургундарына пенсия, жөлөкпул жана эмгек акыларын төлөөгө арналган акчаны өзүнө ыйгарып алганы жана короткону аныкталды. Бул тууралуу УКМК билдирет.
Тактап айтканда, «Кыргыз почтасы» компаниясынын Жалал-Абаддагы «Таштак» байланыш бөлүмүнүн башчысы Э.Э.К. Сузак районунун тургуну менен тил табышып, ишенип берилген 10 700 000 сом өлчөмүндөгү акчаны ыйгарып алып, короткон.
17-сентябрда бул жарандар кармалып, убактылуу кармоочу жайына киргизилди. Учурда тергөө иштери жүрүүдө.
