Кыргыз-тажик чек арасына жакын аймакта сарай өрттөндү. Бул тууралуу чек ара кызматы маалымдайт.
Маалыматка ылайык, бүгүн болжол менен саат 05:30 чамасында Баткен облусунун Баткен районунун Дахма жерлигинде шартуу чек ара сызыгына жакын жерде Кыргызстандын А.Ж., аттуу жаранынын сарайы күйүп кеткен.
Саат 06:15 Баткен облусунун ӨКМдин тарамдарынын күчү менен өрт толугу менен өчүрүлгөн.
Учурда тиешелүү органдар тарабынан өрттүн келип чыгуу себептерин териштирүү иштери башталды.