Президент Садыр Жапаров жана Тажикстан Республикасынын президенти Эмомали Рахмон бүгүн, 8-июлда, видео-байланыш режиминде Ош облусундагы «Карамык» жана «Бордөбө» көзөмөл-өткөрүү пункттарынын ишин жандандыруу аземине катышышты.
Иш-чара Садыр Жапаровдун Тажикстанга болгон мамлекеттик сапарынын алкагында өткөрүлүүдө.
Кыргызстан менен Тажикстандын чек ара ведомстволорунун жетекчилери өткөрүү пункттарынын ишин кайра жандандырууга толук даяр экендиктерин билдиришти.
Баяндаманы уккандан кийин Садыр Жапаров КӨЖ ишин баштоо боюнча тескеме берип, андан соң кыргыз тарапта шлагбаумдар көтөрүлдү.
Андан кийин Эмомали Рахмон Тажикстандын аймагындагы КӨЖ ишин кайра жандандыруу боюнча буйрук кылып, шлагбаумдар көтөрүлдү.
