Кыргыз-тажик мамлекеттик чек арасынын 24,01 чакырымы макулдашылды. Бул тууралуу министрлер кабинетинин басма сөз кызматынан билдиришти.
29-ноябрдан 5-декабрга чейин Тажикстандын Согди облусунун Бустон шаарында укуктук маселелер жана топографиялык жумушчу топторунун ортосунда кыргыз-тажик мамлекеттик чек арасын делимитациялоо жана демаркациялоо боюнча кезектеги жыйыны болуп өттү.
“Тараптар Кыргызстандын аймагында өтө турган кийинки жолугушууда чек аранын калган аймактарын кароо боюнча ишти улантат. Жолугушуунун жыйынтыгында тиешелүү Протоколго кол коюлду” – деп айтылат билдирүүдө.
Жолугушуу достук маанайда жана өз ара түшүнүшүү кырдаалында өттү.
