Кыргыз профессионал театрынын 100 жылдыгына карата 26-30-октябрь күндөрү XIV республикалык театр фестивалы өтөт. Бул тууралуу Маданият, маалымат жана жаштар саясаты министрлиги билдирди.
Маалыматка караганда, фестивалга Кыргызстандын 10 театры катышып, өз спектаклдерин тартуулайт.
Ошондой эле Бишкектеги сейил бактарда театралдык жүрүштөр, балдар үчүн спектаклдер жана актёрлорго мастер-класстар уюштурулат. Фестиваль Токтоболот Абдумомунов атындагы Кыргыз улуттук академиялык драма театрында өтөт.
Фестивалдын негизги максаты – кыргыз театр искусствосунун түптөлүү тарыхын даңазалоо, К. Кондучалованын жаркын элесин эскерүү, улуттук театр өнөрүн өнүктүрүү жана эл аралык деңгээлге чыгаруу, театрлар ортосунда тажрыйба алмашууну камсыз кылуу, ошондой эле чыгармачыл жамааттарга дем берүү.
